პროკურორებმა მიწის ნაკვეთების მისაკუთრების ფაქტებზე ამნისტიის კანონის ამოქმედებასთან დაკავშირებით, ახალქალაქში, ადგილობრივი მთავრობის წარმომადგენლებთან და დაინტერესებულ მოსახლეობასთან საინფორმაციო შეხვედრა გამართეს.

შეხვედრის დამსწრეებს დეტალურად განემარტათ სამართლებრივი საკითხები ახალ კანონთან დაკავშირებით, რომლის მიზანს იმ ათასობით მოქალაქის სისხლის სამართლის პასუხისმგებლობისგან გათავისუფლება წარმოადგენს, რომლებმაც სახელმწიფოს კუთვნილი მიწის ნაკვეთები დანაშაულებრივი გზით მიისაკუთრეს. ამნისტიის კანონის გამოყენებით პირი ნასამართლევად არ ჩაითვლება.

კერძოდ, პროკურორებმა მოსახლეობას დეტალურად გააცნეს კანონის ინიცირების მიზანი, ასევე განუმარტეს, თუ რა ტიპის მიწის ნაკვეთებზე ვრცელდება კანონი. საუბარი შეეხო იმ ვადებსა და პროცედურულ საკითხებსაც, რომელიც პირთა მიერ ზიანის ანაზღაურების მიზნით სახელმწიფოსთვის მიწის ნაკვეთების დაბრუნებასთანაა დაკავშირებული. 

შეხვედრის დამსწრეებმა პროკურორებისგან მათთვის საინტერესო შეკითხვებზე ამომწურავი პასუხები მიიღეს. 

დეტალური ინფორმაცია სახელმწიფოს კუთვნილი სასოფლო-სამეურნეო დანიშნულების მიწის ნაკვეთების მისაკუთრების ფაქტებზე ამნისტიის კანონის შესახებ იხილეთ აქ.