კვლავ გრძელდება სემინარების ციკლი ახალი სისხლის სამართლის საპროცესო კოდექსის მიხედვით ნაფიც მსაჯულთა სასამართლო პროცესზე ბრალდების მხარდაჭერის სტრატეგიისა და ტაქტიკის საკითხებთან დაკავშირებით, რომელიც მთელი წლის განმავლობაში მიმდინარეობს საქართველოს სხვადასხვა რეგიონში. 10 - 11 ოქტომბერს ტრენინგი ამჯერად ზუგდიდში ჩატარდა. სემინარები ამერიკის შეერთებული შტატების იუსტიციის დეპარტამენტის მხარდაჭერით ხორციელდება, რომელსაც უძღვება: ამერიკის შეერთებული შტატების საელჩოს იუსტიციის დეპარტამენტის მრჩეველი იურიდიულ საკითხებში ბატონი როჯერ კელერი.

მიმდინარე წლის პირველ ნახევარში საქართველოში რეგისტრირებულია 28698 დანაშაული, რაც 2007 წლის ამავე პერიოდის მონაცემთან (29687) შედარებით 989 ერთეულით ნაკლებია. შესაბამისად, 2008 წელს წინა წელთან შედარებით აღინიშნება რეგისტრირებული დანაშაულის კლება (3.3%-ით).

2008 წლის 23 ივლისს საფრანგეთის პოლიციამ ძებნილი მიხეილ ქარელი დააკავა. მიხეილ ქარელი საქართველოს სამართალდამცავი სტრუქტურების მიერ 2007 წლის 29 ნოემბრიდან ინტერპოლის წითელი ცირკულარით იძებნებოდა.